Lífið er saltfiskur

Hefðir, nýjungar, vinnsluaðferðir, eiginleikar og gæði

SALTFISKVIKA

Haldin var Saltfiskvika á Íslandi 4. september til 15. september 2019

FRÓÐLEIKUR UM SALTFISK

Skynrænir eiginleikar saltfisks, saga hefðir og menning tengd saltfiski, sem og verkunaraðferðir, mismunandi gerðir saltfisks og útvötnun

NÁNAR

VINNUSTOFUR UM SALTFISK

Markmið vinnustofunnar var að gera saltfiski hærra undir höfði, kynnast eiginleikum saltfisks, sögu og menningu.

NÁNAR

Saltfiskur er sælkerafæði

Sjávarfang er heilsusamlegur matur og sælkerafæði ef rétt er staðið að vinnslu, meðhöndlun og matgerð.

Rætt hefur verið um að gera nýju hráefni úr hafinu, sem og hefðbundum afurðum á borð við saltfisk, hærra undir höfði. AG-Fisk (Arbejdsgruppen for Fiskerisamarbejdet) á vegum Norrænu ráðherranefndarinnar hefur veitt styrk til að koma þessu verkefni af stað. Matís mun á árinu 2019 og 2020 halda vinnustofur og fundi með matreiðslumönnum, ásamt kynningum, sem fram fara á Íslandi og öðrum norðurlöndum í samvinnu við Íslandsstofu og saltfiskframleiðendur.

Í verkefninu verða kynntar hefðir, nýjungar, vinnsluaðferðir, eiginleikar og gæði. Megintilgangur verkefnisins er að auka þekkingu á sjávarfangi, eins og saltfiski, og stuðla þannig að aukinni virðingu og þannig auknu virði þess.

Lumar þú á góðri saltfiskuppskrift?

Sendu okkur uppskrift í tölvupósti og við munum birta hana hér á síðunni.

Sendu okkur uppskrift